Welcome to Rathickal Kootaima

റാത്തിക്കൽ കൂട്ടായ്മ.

റാത്തിക്കൽ എന്ന പ്രദേശത്തിന്റെ സാമൂഹ്യ, സാംസ്കാരിക ശക്തീകരണവും സമഗ്ര പുരോഗതിയും ലക്ഷ്യമാക്കി 2011 ൽ രൂപം കൊണ്ട സജീവവും സ്തുതിയർഹവുമായ സംഘടനയാണ് റാത്തിക്കൽ കൂട്ടായ്മ. "നന്മയിൽ സഹകരണം, തിന്മയിൽ നിസ്സഹകരണം" എന്ന ആപ്തവാക്യം ആധാരമാക്കി ഐക്യം, പരസ്പര സഹായം, വളർച്ച എന്നിവക്കായി സമൂഹത്തെ ഒരുമിപ്പിക്കുന്ന മഹത്തായ സംരംഭമാണ് ഈ കൂട്ടായ്മയുടെ ലക്ഷ്യം. അതൊരു സ്വപ്ന സാഷ്ടാത്കാരം ആയിരുന്നു. ഇന്ന് സമൂഹത്തിന്റെ ആദ്മവികസനത്തിനും, സാംസ്കാരിക പുരോഗതിക്കും വഴി കാട്ടിയായിരിക്കുന്നു.സമൂഹത്തിലെ അവശത അനുഭവിക്കുന്ന ജനതയ്ക്ക് ഒരു കൈത്താങ്ങായി, നാടിനും നാട്ടുകാർക്കും സ്നേഹത്തിന്റെയും, 

സാഹോദര്യത്തിന്റെയും,സമഭാവനയുടെയും സന്ദേശം നൽകുകയായിരുന്നു.

യശശ്ശരീരനായ ഷിഹാബിക്ക ആയിരുന്നു ഈ പ്രസ്ഥാനത്തിന് വിത്ത് പാകിയത്. അദ്ദേഹത്തോടൊപ്പം നൂറു കണക്കിന് റാത്തിക്കൽ നിവാസികൾ U A E യിൽ നിന്നും QATAR ൽ നിന്നും കൈകോർത്തു നിന്നപ്പോൾ റാത്തിക്കൽ കൂട്ടായ്മ ഒരു മഹാസംഭവമായി തല ഉയർത്തി നിൽക്കുന്നു.

പ്രവാസ സംഘടനയായി രൂപം കൊണ്ട ഈ പ്രസ്ഥാനം, റാത്തിക്കൽ നിവാസികളുടെയും ക്രമേണ പരിസര പ്രദേശങ്ങളിലെയും അവശത അനുഭവിക്കുന്ന ജനതയ്ക്ക് ജാതി മത വ്യത്യാസമില്ലാതെ താങ്ങായി തണലായി നിലകൊള്ളുന്നു. പ്രവാസികളായ സഹോദരങ്ങൾ അവരുടെ വരുമാനത്തിന്റെ ഒരു വിഹിതം ദീനർക്കും ദുഖിതർക്കും വേണ്ടി നീക്കി വയ്ക്കുന്ന മഹത്തായ പ്രക്രിയ ഇന്നും തുടരുന്നു.

രോഗികളെ, നിർദ്ധനരെ,വിധവകളെ, നിരാലാംബരെ കണ്ടെത്തി അവർക്കൊരു കൈത്താങ്ങാവാൻ, തണലാവാൻ ഉള്ള പ്രക്രിയ 15 വർഷങ്ങളുടെ പടവുകൾ താണ്ടി വിജയത്തിൽ എത്തി നിൽക്കുന്നു.ഐക്യവും സാഹോദര്യവും ഒത്തൊരുമയും ഉണ്ടെങ്കിൽ ഏത് പ്രഹേളികയേയും കീഴടക്കാം എന്ന സന്ദേശം ആണ് റാത്തിക്കൽ കൂട്ടായ്മ സമൂഹത്തിനു നൽകുന്നത്. 

ഈ പ്രസ്ഥാനത്തിന് രൂപം കൊടുക്കാനും വളർത്തിയെടുക്കാനുമായി കഷ്ടപ്പെട്ട അനവധി വ്യക്തിത്വങ്ങൾ ഉണ്ട്. ആരുടേയും പേര് പറയുന്നില്ല. അവരെല്ലാം ഇന്നും കൂടെയുണ്ട്, പ്രസ്ഥാനത്തിന്റെ നെടും തൂണുകൾ ആയി. അവരുടെയെല്ലാം സ്നേഹവും സാഹോദര്യവും സാമ്പത്തികവും തന്നെയാണീ പ്രസ്ഥാനത്തിന്റെ വിജയം. അവർ പറയാറുണ്ട് നമുക്കിനിയും ഒരുപാട്, ഒരുപാട് ചെയ്തു തീർക്കാനുണ്ട് എന്നു. അതാണ്‌ റാത്തിക്കൽ കൂട്ടായ്മ. തളരാത്ത, തകരാത്ത സാമൂഹ്യ പ്രതിബദ്ധത. തലമുറ കൈ മാറി നിലനിർത്തും എന്നു ഉറപ്പ്.

ഇതുവരെ charity ഇനത്തിൽ 2.5 കോടിയിലധികം ചിലവഴിച്ചു കഴിഞ്ഞു. ജീവിതം വഴി മുട്ടി നിന്നതായി കണ്ടെത്തിയ അനവധി പേർക്ക് ഉപജീവന ഉപാധികൾ നൽകി തണൽ ആകാൻ സാധിച്ചു.

ചെറുകിട സംരംഭകരെ സഹായിക്കാൻ ആയി തയ്യൽ മെഷീൻ വാങ്ങി നൽകിയത്,പശുവിനെ വാങ്ങി നൽകിയത്, പച്ചക്കറി വിപണനം വഴി ഉപജീവനത്തിന് ധനസഹായം നൽകിയത്, കട ബാധ്യത മൂലം കിടപ്പാടം ജപ്തി ഭീഷണിയിൽ ആയ കുടുംബത്തിന് തണൽ ആയി ജപ്തിയിൽ നിന്നു മോചിപ്പിച്ചു കിടപ്പാടം വീണ്ടെടുത്തു നൽകിയത് എല്ലാറ്റിനും പുറമെ ചികിത്സാ സഹായം ആയി അനവധിപേർക്ക്ആ ശ്വാസം നൽകിയത്,തുടങ്ങിഒട്ടേറെ ജീവകാരുണ്യ പ്രവർത്തനങ്ങൾക്ക് തുടക്കം കുറിക്കുവാനും തുടരുവാനും സാധിച്ചു.

ഇതിനെല്ലാറ്റിനും പുറമെ 45 പേർക്ക് 2000രൂപ വീതം എല്ലാ മാസവും മുടങ്ങാതെ പെൻഷനും നൽകി വരുന്നു.

വിദ്യാഭ്യാസ മേഖലയിൽ മികവ് പുലർത്തുന്ന പ്രതിഭ കളെ കണ്ടെത്തി വാർഷികാഘോഷ പരിപാടികളിൽ നടത്താറുള്ള merit evening പ്രോഗ്രാമിൽ അവരെ ആദരിക്കുകയും അതിനു പുറമെ വാർഷികാഘോഷങ്ങളിൽ നടത്താറുള്ള ഖുർആൻ പാരായണ മത്സരങ്ങൾ, പ്രഭാഷണങ്ങൾ, ക്വിസ്‌ മത്സരങ്ങൾ, കായിക മത്സരങ്ങൾ തുടങ്ങി വിജ്ഞാന, വിനോദ, കായിക മേഖലകളിലും സംഘടന ശ്രദ്ധ ചെലുത്തുന്നു.

കൈ വച്ച മേഖലകളിലെല്ലാം വിജയം കൈവരിച്ച സാഹചര്യത്തിൽ ആണ് റാത്തിക്കൽ കൂട്ടായ്മ 2018 ൽ ബിസിനസ്സിലേക്കും തിരിയുന്നത്. അതും വലിയ വിജയം തന്നെ ആയി. 2018 ൽ RAK MART, 2025 ൽ RAK FRESH എന്നിവക്ക് പുറമെ കൂടുതൽ OUT LET കളുടെ പണിപ്പുരയിലാണ്  ഇപ്പോൾ. ദീർഘ വീക്ഷണം ഉള്ള ബിസിനസ്‌ തന്ത്രജ്ഞരായ CHAIRMAN മാരും കർമനിരതരായ DIRECTOR  BOARD അംഗങ്ങളും ചേർന്നാണ് ബിസിനസ്‌ നെ വിജയത്തിലേക്കു നയിക്കുന്നത്. മിതമായ ലാഭം മാത്രം ആണ് ഞങ്ങളുടെ പ്രത്യേകത. ലാഭത്തിന്റെ ഒരു വിഹിതം ഞങ്ങൾ പാവങ്ങൾക്ക് നൽകുന്നു.അതു മനസ്സിലാക്കിയ ജാതി മത ഭേദമന്യേ എണ്ണമറ്റ ഇടപാടുകാരും അഭ്യുദ യകാംഷ്ടികളും ഞങ്ങൾക്കുണ്ട്. വളർച്ചയിൽ ഞങ്ങളോടൊപ്പം കൈ കോർത്തു നിൽക്കുന്ന ഇടപാടുകാരെ ഞങ്ങൾ ഹൃദയത്തോട് ചേർത്ത് വയ്ക്കുന്നു. ഉപഭോക്താവിന്റെ അഭിരുചിക്കനുസരിച്ചു താരതമ്യേനെ മിതമായ നിരക്കിൽ മരുന്നുകൾ ഉൾപ്പടെ എല്ലാ വിധ നിത്യോപയോഗ സാധനങ്ങളും ഒരു കുടക്കീഴിൽ നിരത്തുന്നതാണ് ഞങ്ങളുടെ പ്രത്യേകത.

ബിസിനസ്‌ ന്റെ വളർച്ചക്ക് വലിയ പങ്കു വഹിക്കുന്നവരാണ് കർമോൾസുകരായ ജീവനക്കാർ. അതിൽ മാനേജർ മുതൽ തൂപ്പുകാർ വരെ ഉണ്ട്.അവരെയെല്ലാം നന്ദിപൂർവം ചേർത്ത് പിടിക്കുന്നു.

ചുരുക്കത്തിൽ, സംഘടനക്കും ബിസിനസ്‌ നും വേണ്ടി അധ്വാനവും ആദ്മാർത്ഥതയും കൈ മുതലായ ഒരു ജനവിഭാഗത്തിന്റെ

കൂട്ടായ പരിശ്രമം ആണ് റാത്തിക്കൽ കൂട്ടായ്മ.